Lingsir
Dening : Wulanningsih
Wengi wis san saya lingsir
Sinare sang candra wis katon ora sumringah
Sumorot mangulon mapag tekane jagat raina
Nyawang kahanan kang katon tentrem
Lelagon swarane jangkrik sesahutan
Sepine wengi pecah merga jegoge asu
Palakon kahanan wis padha lerem ing pangimpen
Nepsu panguripan uwal saka telenging ati
Gumanti impen kang endah
Sawengi natas ngancani sepining jagat
Lamat-lamat kaganti suwasana kang ngowahi lingsir
Jago-jago padha kluruk pamer kagagahane
Minangka pratandha yen surya bakal tumeka
Tidak ada komentar:
Posting Komentar